वॉशिंग्टन – चीनने युरोपिय महासंघ व अधिकार्‍यांवर लादलेले निर्बंध ही चीनची प्रचंड मोठी धोरणात्मक घोडचूक ठरली आहे, असा दावा अमेरिकेचे माजी अधिकारी क्लेट विलेम्स यांनी केला. या निर्बंधांमुळे युरोपियन संसदेने चीनबरोबरील गुंतवणूक करार रद्द केला आणि आता नजिकच्या काळात तो पुनरुज्जीवित होण्याची शक्यता नाही, असेही विलेम्स यांनी म्हटले आहे. विलेम्स अमेरिकेच्या ‘नॅशनल इकॉनॉमिक कौन्सिल’चे उपसंचालक व राष्ट्राध्यक्ष डोनाल्ड ट्रम्प यांचे उपसहाय्यक म्हणून कार्यरत होते.
युरोपवर निर्बंध‘चीनने केलेल्या निर्बंधांच्या करवाईमुळे युरोपिय महासंघ व चीनमधील अत्यंत महत्त्वाचा गुंतवणूक करार मारला गेला. आता हा करार लवकर पूर्वपदावर येण्याची शक्यता नाही. कामगारांचा गुलामासारखा वापर करण्यासारख्या कायदेशीर मुद्यावर चीनला योग्य उत्तर देता आले नाही. त्यांनी संतापून अत्यंत भडकावणारी व चौकटीबाहेर जाणारी कारवाई केली. ही कारवाईच चीनची मोठी धोरणात्मक घोडचूक ठरली’, असा दावा विलेम्स यांनी ‘सीएनबीसी’ या वृत्तवाहिनीला दिलेल्या मुलाखतीत केला.
Read more: http://newscast-pratyaksha.com/marathi/imposing-sanctions-on-europe-is-china-strategic-mistake/
