Breaking News

‘आयएस’कडून पाश्‍चिमात्य देशांवर जैविक दहशतवादी हल्ला चढविण्याची धमकी

वॉशिंग्टन – ‘थोड्याच दिवसांमध्ये अमेरिकेतील रुग्णालये शेकडो जणांचा मृत्यू झाल्याचे, अनेकांना अज्ञात विषाणूची बाधा झाल्याचे जाहीर करतील. श्‍वसनाद्वारे सहजगत्या शरीरात जाऊ शकणारे विषाणू विकसित करण्यात आले आहेत आणि त्याची निर्मितीही सुरू झाली आहे. शरीरात हे विषाणू गेल्यावर वेगाने त्याची लक्षणे दिसण्यास सुरुवात होईल. अमेरिकेने जगभरात राबविलेल्या दडपशाहीच्या धोरणासाठी ठरविण्यात आलेली ही शिक्षा आहे. इतर जण याला जैविक दहशतवाद असे म्हणतात’, अशा थेट शब्दात ‘आयएस’ या दहशतवादी संघटनेने अमेरिकेसह पाश्‍चात्य देशांवर जैविक दहशतवादी हल्ले चढविण्याची धमकी दिली आहे.
जैविक दहशतवादी हल्ला, निर्मिती, जैविक दहशतवाद, आयएस, जैविक शस्त्र, इशारा, world war 3, वॉशिंग्टन, Bill Gatesआखाती देशांसंदर्भातील हालचालींचा अभ्यास करणार्‍या अमेरिकेतील अभ्यासगटाने ‘आयएस’ने दिलेल्या धमकीचे वृत्त प्रसिद्ध केले आहे. काही दिवसांपूर्वीच ‘आयएस’ने ‘लोन वुल्फ बायोलॉजिकल अटॅक्स’चे आवाहन करणारा व्हिडिओ प्रसिद्ध केला होता. त्यात उंदीर व विष्ठेच्या सहाय्याने ‘प्लेग’ची निर्मिती करण्याचा सल्ला देण्यात आला होता. त्यानंतर जैविक युद्धाबाबत दुसरा व्हिडिओ प्रसिद्ध करण्यात आला आहे.

व्हिडिओमध्ये अमेरिकेच्या ‘सॅनफ्रान्सिस्को’ शहराची पार्श्‍वभूमी वापरण्यात आली आहे. या शहरावर एक व्यक्ती हिरव्या रंगाचा धूर सोडताना दाखविण्यात आली आहे. या पार्श्‍वभूमीवर, तुम्ही ज्या हवेत श्‍वासोच्छ्वास करता ती हवा आत घेण्याची देखील भीती वाटेल, अशी स्थिती निर्माण करू, अशी गंभीर धमकीही देण्यात आली आहे. त्याचवेळी अमेरिकी यंत्रणांना, मृत्युमुखी पडलेल्या नागरिकांचे तुकडे जमा करायलाही वेळ मिळणार नाही, असा भयावह हल्ला या देशावर चढविला जाईल, असे ‘आयएस’ने व्हिडिओत धमकावले आहे.

अमेरिकेला धमकावल्यानंतर युरोपिय देशांवरही हल्ले चढविण्याचा इशारा देण्यात आला आहे. त्यात जैविक शस्त्राचा उल्लेख ‘सायलेंट डिस्ट्रक्टिव्ह वेपन’ असा करण्यात आला आहे. जगातील सर्वाधिक धोकादायक जीवाणू व विषाणू मिळवून ते पाण्यात, हवेत सोडा अशी सूचना ‘आयएस’ने आपल्या समर्थकांना केली आहे.

२०१६ साली प्रसिद्ध झालेल्या एका अहवालात ‘आयएस’ व इतर दहशतवादी संघटना ‘जैविक शस्त्रे’ मिळविण्यासाठी प्रयत्न करीत असल्याचा दावा करण्यात आला होता. त्यानंतर २०२७ साली युरोपिय महासंघाच्या दहशतवादविरोधी यंत्रणेच्या प्रमुखांनी ‘आयएस’ व ‘अल कायदा’सारख्या दहशतवादी संघटना जैविक हल्ल्यांसाठी ड्रोन्सचा वापर करू शकतात, अशी भीती व्यक्त केली होती.

‘मायक्रोसॉफ्ट’ या जगविख्यात कंपनीचे प्रमुख बिल गेट्स यांनीही गेल्या वर्षी ‘म्युनिक सिक्युरिटी कॉन्फरन्स’च्या पार्श्‍वभूमीवर, दहशतवादी जैव शस्त्राचा वापर करुन एका वर्षात किमान तीन कोटी जनतेचा बळी घेऊ शकतात, असे बजावले होते. येत्या काळात दहशतवादी कॉम्प्युटरद्वारे जनुकीय अभियांत्रिकीचा वापर करुन देवी, फ्लू किंवा त्याहून भीषण सांसर्गिक कृत्रिम विषाणूची निर्मिती करू शकतात, असा इशाराही गेट्स यांनी दिला होता.

English हिंदी

या बातमीबाबत आपले विचार आणि अभिप्राय व्यक्त करण्यासाठी खाली क्लिक करा:

https://twitter.com/WW3Info
https://www.facebook.com/WW3Info