इराणच्या युद्धनौकांचा अटलांटिक महासागरातील वावर चिंताजनक – अमेरिकेचे संरक्षणमंत्री लॉईड ऑस्टिन

अमेरिकेचे संरक्षणमंत्री

वॉशिंग्टन/तेेहरान – इराणच्या युद्धनौकांचा अटलांटिक महासागरातील प्रवेश व लॅटिन अमेरिकेत होणारी इराणी शस्त्रास्त्रांची विक्री अत्यंत चिंताजनक गोष्ट असल्याचे अमेरिकेचे संरक्षणमंत्री लॉईड ऑस्टिन यांनी बजावले. गुरुवारी इराणच्या दोन युद्धनौकांनी पहिल्यांदाच अटलांटिक महासागरात प्रवेश केल्याची माहिती इराणी नौदलाने दिली होती. या युद्धनौका व्हेनेझुएलाला भेट देणार असून त्यात शस्त्रास्त्रे असल्याचे सांगण्यात येत आहे.

अमेरिकेचे संरक्षणमंत्रीइराणी नौदलातील ‘साहंद’ ही विनशिका व ‘फॉरवर्ड बेस’ म्हणून ओळखण्यात येणार्‍या ‘मकरान’ या युद्धनौका अटलांटिक महासागरात दाखल झाल्याची माहिती इराणी नौदलाने दिली आहे. या युद्धनौका व्हेनेझुएलाला भेट देणार आहेत. ‘पॉलिटिको’ या वेबसाईटने दिलेल्या वृत्तानुसार, या युद्धनौकांवर ‘फास्ट अटॅक बोट्स’ असण्याची शक्यता आहे. याच वृत्तात इराणी युद्धनौकांवर दीर्घ पल्ल्याची क्षेपणास्त्रे असल्याचाही दावा करण्यात आला आहे. अमेरिकेतील काही अधिकार्‍यांनीही त्यावर शस्त्रास्त्रे असू शकतात, असे संकेत दिले आहेत.

Read more: http://www.newscast-pratyaksha.com/hindi/iran-sends-warships-to-atlantic-amid-venezuela-concerns-lloyd-austin/